Accessibility Tools

+852 3611 7289 / 3611 8455 sales@hlt.hk

[BNO Visa 5+1移民計劃] 出發英國半年前準備甚麼?最詳盡要在香港預備的15件事

近年朋友間嘅聚會,話題都離不開「移民」。講到香港人最熱門嘅移民國家,當然就係英國啦!英國政府近年推出BNO Visa 5+1移民計劃,因為成本費用唔高,令更多人選擇移民英國作為出路。我哋就以自己嘅BNO移民經驗,同大家分享喺起飛出發前,step by step要喺香港預備好嘅15件事!
BNO Visa 5+1移民計劃背景
2021年1月31日起,持有英國國民(海外)護照(BNO)嘅香港居民,就可以申請BNO Visa,居住滿5年後,就可申請永久居留權。獲得永久居留權身份1年之後,就可申請正式入籍為英國公民。BNO持有人可攜同無BNO嘅仔女、父母、伴侶,以受養人嘅身份一齊以BNO Visa 5+1計劃移民英國。此外,BNO亦正進行唔同嘅平權安排,遲啲97後無BNO嘅人,或者可以用個人身份申請BNO Visa 5+1移民計劃。
1. BNO Visa移民 – 出發前必做:調整心態
雖然香港人呢幾年面對唔少荒謬,但要決定離開其實一啲都唔容易。你可能放唔低你喺香港嘅收入、放唔低你嘅屋企人、放唔低你喺香港建立好嘅關係同網絡;而嚟到英國之後,你嘅社會地位同工作職級,可能都要重新建立、甚至乎喺英國嘅朋友唔多,難免仲要適應孤獨寂寞嘅心情。
我哋身邊就有唔少朋友,放唔低香港嘅利益,選擇留低。如果你決定移民嘅話,當然亦要同留港嘅屋企人商量,然後調整心態,唔介意由零重新嚟過,所以移民其實係一個非常勇敢嘅決定。但係我哋嚟到英國之後,喺生活上的而且確係輕鬆舒服咗好多,壓力都細咗呢!
2. BNO Visa移民 – 出發前必做:肺結核病測試
申請BNO Visa嘅其中一個要求,就係所有11歲以上嘅人士提供肺結核病測試(Tuberculosis Test,TB test)negative嘅結果。所以大家必須去到英國政府認可嘅醫院或診所做TB Test,證明無感染肺結核病。
認可進行TB Test嘅醫院同診所,詳情:www.gov.uk
A. 聯合醫務保健中心(香港)
B. 聯合醫務保健中心(尖沙咀)
C. 聯合醫務保健中心(佐敦)
D. 卓健醫療(惠豐中心)
E. 卓健醫療(海富中心)
F. 卓健醫療(灣仔中國人壽大廈)
G. 卓健醫療(青衣城)
H. 養和醫院家庭醫學及基層醫療中心
I. 養和東區醫療中心家庭醫學及基層醫療中心
J. 明德國際醫院
K. 香港港安醫院
我哋就揀咗位於山頂嘅明德國際醫院進行TB Test,除咗因為比較少人預約之外,更提供免費泊車,檢測收費仲要係全港最平之一。如果選擇其他醫院或診所,大家記住要提早一個月預約,TB Test收費由HK$1000起。檢測嘅時候記住帶BNO、香港身份證正本、證件相、英國的通訊地址及郵區編號(如適用)、舊胸肺片或胸肺科醫療報告(如適用)。呢份報告有效期只有六個月,所以大家要喺呢六個月內申請BNO Visa 5+1移民簽證。至於入境嘅時候,呢份報告過期與否亦不再重要。
3. BNO Visa移民 – 出發前必做:申請BNO VISA
當你成功獲得TB Test嘅報告之後,就可以喺半年內(即TB Test嘅有效日期內)申請BNO Visa 5+1移民簽證,BNO Visa及移民醫療附加費用約HK$35,000。
申請BNO Visa可選擇親身到英國簽證中心申請或使用手機應用程式「UK Immigration: ID Check」申請。申請嘅文件包括:護照、TB Test、地址證明英文文件、財力證明英文文件、證明自己與家庭成員關係、證明家庭成員與主申請人居住同一個地址、過去十年的外遊記錄、英國居住地址及郵政編碼(如沒有英國地址,須提供一份詳細的英國住宿安排計劃)等。
A. 英國簽證中心
喺預約時間到達位於北角嘅簽證中心,需帶備列印嘅預約確認信(由VFS Global 寄出)、BNO(須至少有一頁雙面空白頁面)、列印文件清單、所需文件以及一張護照尺寸的彩色近照,以辦理手續及提供生物特徵資料。申請獲批後,護照將貼有BNO Visa簽證貼紙,你需要喺限期90日內入境英國。
B. 智能手機應用程式
如果你嘅護照屬於生物辨識護照,你可以透過手機應用程式,以電子方式申請簽證。填寫網上申請表格嘅過程大概需要一至兩個鐘,網絡上有唔少YouTuber提供教學,所以我哋都唔詳盡講解申請嘅流程。至於申請成功之後,只要喺申請獲批之後五年內任何一日入境都得。
無論你係用邊一個方法申請,最多人困惑嘅就係,表格內要提供6個月英國生活費證明,究竟生活費係幾多呢?其實每一個城市要求都各有不同,以我哋喺倫敦為例:£6,000 單身成人 、£9,100 一對夫婦和一位孩子。
至於大家可以參考一下,我哋係使用智能手機應用程式申請BNO Visa,由申請到批核只係用咗三日時間。
4. BNO Visa移民 – 出發前必做:購買機票及預訂酒店或Airbnb
A. 購買機票
獲批BNO Visa之後,就要計劃一下出發嘅日期。大部份人計劃嘅日期,都係遷就小朋友嘅開學日子,如果無小朋友嘅話,出發日期相對彈性,除咗可以睇吓航空公司嘅機票優惠之外,我哋覺得天氣反而係最重要嘅因素。天氣太凍或者落雨嘅季節,都會非常影響到達英國嘅安排,所以3月、4月、10月、11月都係比較受歡迎嘅移民月份。
前往英國倫敦嘅直航機有三間航空公司選擇,分別係國泰航空、英國航空同維珍航空;至於直航英國曼徹斯特嘅航空公司就只有國泰航空。但喺疫情同俄烏戰爭期間,直航嘅航班都大大受到影響,唔少人都會選擇新加坡航空、卡塔爾航空、阿聯酋航空、土耳其航空轉機前往英國各大城市。
有唔少香港人都鍾意透過地產經紀喺出發之前購買或承租英國嘅樓盤,但我哋希望可以去到當地,親身了解唔同區嘅位置環境,再作選擇。
所以喺未有定居決定嘅時候,大家就可以租酒店或Airbnb。不過,由於我哋之前去旅行都比較少住Airbnb,所以我哋無任何入住Airbnb嘅評語,令唔少英國嘅Airbnb住戶唔想租比我哋(要知道,好多英國嘅業主,都要check你嘅信用評級)。最後,我哋決定入住酒店,不過酒店嘅缺點就係無廚房同無洗衣機喇!
5. BNO Visa移民 – 出發前必做:開立英國户口及兌換英鎊
A. 開立英國户口
申請英國嘅傳統銀行同虛擬銀行都需要有英國地址證明,但如果未有英國地址證明嘅時候,能夠喺香港預先開通嘅英國戶口就只有HSBC UK。如果想申請HSBC UK,就只需要HSBC HK戶口、香港地址同香港電話號碼。申請成功之後,HSBC UK嘅提款咭、戶口使用須知同戶口密碼都會直接寄來香港嘅地址,大家可以將兩個戶口連結起嚟,免費匯通兩個戶口嘅英鎊交易。
另外,除咗HSBC UK呢個選擇之外,大家亦可以申請HSBC One或者Citibank Plus,呢兩個户口都係受香港銀行嘅存款保障,可以存入英鎊,喺英國直接提款或當Debit Card使用,非常方便而無任河手續費。不過,呢兩個戶口屬於香港銀行提供嘅服務,所以喺英國嘅時候,如果銀行户口有任何問題,需要打電話返香港處理。另外,呢兩個戶口亦唔可以作為英國嘅出糧戶口。
當然,我哋強烈建議,去到英國之後,當你有英國嘅地址證明之後,就需要申請一個英國當地傳統銀行或虛擬銀行嘅戶口。
B. 兌換英鎊
因為Interactive Brokers(IB)嘅外幣兌換差價少,所以成為大家兌換英鎊其中一個熱門嘅方法。透過手機應用程式只需要30分鐘,就可以開通IB戶口,並使用港元、美金或人民幣進行股票嘅買賣或交易。但如果要提取其他外幣,就需要去到IB嘅辦事處,進行一次性嘅簽名驗證喇!聽落雖然比較麻煩,但過程都只係2分鐘。
所以成功開通IB戶口之後,兌換英鎊嘅方法:
1. 用FPS將港幣轉去IB戶口
2. 喺IB戶口內,將港幣轉換成英鎊
3. 將英鎊轉去英鎊戶口,例如HSBC One或Citibank Plus
提提你,每個月第一次嘅戶口提款係免費,之後就要收手續費㗎喇!另外,如果轉出嚟嘅目標戶口係一個港幣戶口,咁轉出嚟嘅錢,就會直接變返做港幣呀!
6. BNO Visa移民 – 出發前必做:斷捨離
呢個步驟我哋覺得係成個BNO Visa移民過程之中最艱難嘅部份!話晒喺香港都生活咗咁耐,有唔少具有紀念價值嘅物品,真係好唔捨得掉架!所以有啲人就會租迷你倉,放置唔捨得丟掉嘅珍藏。
但我哋覺得,放咗入迷你倉之後,除咗成本問題,究竟你又會有幾多時候攞返出嚟睇呢?所以我哋只係將最有價值嘅嘢帶去英國,其他物品就將佢變成記憶,影咗相之後,賣得就賣,或捐俾有需要嘅慈善機構。
7. BNO Visa移民 – 出發前必做:搬運公司及報關
A. 搬運公司
斷捨離之後,就可以搵搬運公司報價喇!運輸方法分為空運同船運,空運雖然快,但價錢亦相當貴,所以絕大部份人都會選擇船運。一般搬運公司嘅報價方法分為:上門報價或網上自行報價,大家要特別留意報價內容是否已包上門收貨、落貨、包裝物料、報關費、樓梯費、英國電梯費等等。船運大約需要兩至三個月嘅運輸時間,所以你要預備定呢段時間所需要嘅隨身個人物品,唔好全部坐晒船啊;另外,如果搬運嘅物品到達英國,而你仍然居住喺Airbnb、酒店或者短期居所,就需要支付英國嘅存倉費用,直至更新長期居所嘅地址。
另外,食物、易燃物品、金錢同貴重物品都唔適合透過船運寄到英國。
B. 報關
喺家當抵達英國前必須填寫Transfer of Residence(ToR1),所有自用物品,而且該物品使用已超過半年,就可以唔使比入口稅。我哋就聽過有朋友分享,佢哋填寫ToR1表格相當仔細,幾多隻匙羹都寫得清清楚楚架。
8. BNO Visa移民 – 出發前必做:申請英國電話卡
有啲人係未出發嘅時候,就想搵定英國嘅長期居所同工作,所以你需要一個英國電話號碼。同申請英國嘅銀行戶口一樣,申請英國嘅電話號碼需要一個英國嘅地址,但英國虛擬網絡營運商Giffgaff就冇呢個要求,仲會將電話卡直接寄到去你香港嘅地址。
由網上申請到收到呢張電話卡,大概需要兩個星期,我哋就建議喺起飛前一晚先開通Giffgaff(立即申請)。雖然Giffgaff冇合約要求,但收費按使用量或按月份收取,最平嘅收費為£6。而所有嘅收費計劃,都已經包括無限量係英國境內打出打入英國電話、英國境內SMS短訊同網絡數據可以喺歐盟國家同時使用。
不過,經過我哋用過之後,發現喺倫敦市中心一啲地方,網絡接收非常差,所以呢張卡最方便只係一落機就有英國嘅網絡,當安頓好晒之後,可以視乎你嗰區嘅接收,再決定轉台定繼續使用。至於而家透過以下嘅申請連結,你更可以獲得£5嘅增值回贈。
申請網址:www.giffgaff.com
9. BNO Visa移民 – 出發前必做:駕駛執照細節證明書及國際車牌
A. 駕駛執照細節證明書
英國同香港有車牌互通協議,所以只要持有香港嘅駕駛執照,喺入境英國嘅第一年內,唔需要國際車牌,亦唔需要轉換成英國車牌,都可以喺英國合法駕駛。至於入境半年之後,你就可以經英國Driver and Vehicle Licensing Agency(DVLA)進行換牌手續。
不過,由於香港嘅駕駛執照只顯示申請及到期日期,若果牌齡10年或以上,就需要向運輸署申請「駕駛執照細節證明申請書」(HK$160),以證明你嘅駕駛經驗,當買車嘅時候,保險價錢就可以大大減低。
B. 國際車牌
如果已經有計劃去歐洲、美國、加拿大等地方自駕旅行,建議喺出發之前,到運輸署申請國際車牌(HK$80)。
10. BNO Visa移民 – 出發前必做:辭職及清稅
A. 通知僱主
移民離港前,需要通知稅務局,以繳付所有稅項。至於清稅嘅過程雖然唔耐,但我哋就建議預留一星期時間作辭職通知。辭職時,當僱主或人事部知道你嘅移民打算,人事部就會出份糧單及文件俾你,等你可以自行去稅務局報稅。
B. 前往稅務局填寫報稅表
帶齊香港身分證明文件、糧單、免稅額等證明文件後,就可以直接前往稅務局,同主任會面及填妥報稅表。如果文件齊全嘅話,大約一至兩個鐘,就可以繳付稅項。交稅之後,就可以領取「同意釋款書」。當僱主收到「同意釋款書」後,先會出埋最後一期人工俾你。
11. BNO Visa移民 – 出發前必做:香港電話號碼、信用卡、銀行戶口、水電煤、家居寬頻等服務安排或取消
A. 香港手提電話號碼
保留你嘅香港電話號碼係必須嘅!除咗方便你同屋企人保持聯絡之外,因為有唔少社交媒體、會員優惠及香港嘅銀行服務,都係用咗香港電話號碼作為登記。但由於人已經唔喺香港,所以你只需要選擇一個比較平,主要能夠海外接收到SMS功能嘅月費就得。市面上就有唔少虛擬電話網絡公司,例如:自由鳥、Club Sim等等,其中Club Sim更推出每月HK$6嘅短訊組合,夠晒平!當你要返嚟香港嘅時候,就直接將Club Sim嘅計劃轉換至有上網同通話功能,非常方便。至於未完約嘅朋友,更加可以預先喺香港買定Club Sim電話卡,到時喺英國可以自己直接轉台,唔使屋企人或朋友寄電話卡過嚟俾你啦!
B. 信用卡及銀行戶口
英國人基本上都係用Debit Card,雖然去到英國之後,你可能都會申請英國嘅Credit Card或Debit Card,但無論里數定回贈優惠都唔夠香港嘅信用卡吸引,所以有唔少人都會保留一至兩張回贈或里數較多嘅香港信用卡(但使用香港信用卡會有外幣手續費架)以作不時之需。
另外,因為銀行會定期寄出推廣郵件,或者更新提款咭,為咗費事屋企人成日要將銀行嘅信件寄去英國俾你,所以我哋建議銀行戶口亦只保留一至兩個。
C. 水電煤、家居寬頻
水電煤都有按金,所以喺離開香港之前,記住要預留時間更新帳戶,以取回按金。至於家居寬頻通常都有合約,如果合約未完,可能需要繳交罰款;另外,如果有解碼器嘅話,就記住將解碼器交番俾家居寬頻公司喇!
最後,記住將所有保留落嚟嘅服務、銀行戶口及信用卡嘅通訊地址轉去屋企人或朋友嘅地址呀!
12. BNO Visa移民 – 出發前必做:購買帶往英國的物品
英國嘅華人超級市場好多,雖然好多嘢都買得到,但由於有消費稅,所以好多人都會有一張購物清單,喺出發英國之前買定帶過去。
以下呢個就係我哋嘅購物清單:
A. 眼鏡
B. 充電寶
C. 衣架
D. 手提電話
E. 電飯煲
F. 電腦
G. 海味(如乾瑤柱、花膠、冬菇)
H. 面膜及護膚品
提提你,肉類(包括臘腸、臘肉)、奶類製品、新鮮蔬菜同水果係唔可以帶入英國境內。至於其他物品,亦只可以攜帶個人適用嘅數量入境,太多嘅話,有機會被海關收取關稅。
13. BNO Visa移民 – 出發前必做:退學安排(如適用)
因為我哋無小朋友,所以有關小朋友嘅退學安排都係聽朋友嘅分享。
因為香港有免費教育,所以6至15歲嘅小朋友需要強制返學讀書。退學嘅時候,記住通知學校,而且寫清楚原因係移民或海外升學,否則教育局就有機會通緝爸爸媽媽喇!
14. BNO Visa移民 – 出發前必做:寵物移民(如適用)
因為我哋無寵物,所以有關寵物嘅移民安排都係聽朋友嘅分享。
英國人尊重每一個生物,所以歡迎帶埋寵物移民英國。至於每間航空公司運送寵物嘅要求及手續各有不同,其中最方便快捷嘅方法就係坐直行機,以貨運方式運送寵物;另外,有唔少航空公司更加歡迎寵物係同乘客坐埋一齊,方便你細心照顧。
A. 打瘋狗症疫苗及植入ISO晶片
英國政府要求喺出發前21日打瘋狗症針,並且必須植入晶片。至於寵物狗需要喺出發前至少24小時至5天內接受杜蟲治療,否則入境時會被強制隔離。
B. 訂寵物機位、英國清關及免稅申請
每間航空公司嘅寵物機位唔多,如果確認出發日期之後,記住去航空公司申請,並取得臨時空運提單號碼(Airwaybill Number),再聯絡清關公司提供清關服務確認編號。另外,你更需要提前向英國嘅稅務海關總署(HMRC)申請轉移居留(Transfer of Residence,ToR1),避免喺入境時支付增值稅。
C. 飛機專用寵物籠
寵物籠必須符合國際航空運輸協會(IATA)嘅要求,並準備水樽及糧兜。
D. 獸醫檢查及辦理健康證明
英國要求健康證明需有晶片號碼,並喺出發前5日內(適用於寵物狗)及10日內(適用於貓)發出,以確保寵物是健康並可乘搭飛機。另外,亦需要一份由獸醫逐項簽署及漁農自然護理署加簽嘅英國寵物健康證明(GB Pet Health Certificate)。
15. BNO Visa移民 – 出發前必做:起飛前必備文件
除咗BNO護照之外,你亦可以預備定以下文件:證件相、香港身份證、香港特區護照、駕駛執照、出世紙、香港地址證明、結婚證書、針卡、英國住址證明、英國生活費證明等嘅正本同副本。雖然喺入境嘅整個過程,除咗護照之外,其他文件都無被查閱。另外,如果有可行嘅話,我哋更加建議留低一份副本喺香港嘅屋企人度,以備不時之需。

 

資料來源:A姐M佬 玩樂日記

其他消息

馬士基推出新航線!掛靠上海、廈門、高雄、南沙等

據介紹,SH3航線已於7月7日開始運營,進一步提升了兩國之間的海運運力。該航線始於上海港,途經廈門港、高雄港、南沙港和丹戎帕拉帕斯港,最終抵達孟加拉國國國吉大港。返程時,該航線會再次經過丹戎帕拉帕斯港,貨物可以中轉至歐洲。 在引入全新SH3航線的同時,馬士基還對現有的連接中國和孟加拉國國國的SH1、SH2和IA7航線進行了調整,進一步優化了服務。  ...

歐美航線運價再漲??

歐美航線運價再漲??

近期,航運市場再次成為業界關注的焦點,尤其是地中海航線的運價走勢。據消息,地中海航運(MSC)美東航線在7月1日再次上漲了2000美元,使得運價逼近萬美元大關。這一趨勢引發了業界的廣泛討論,其中不乏對運價未來走勢的預測和擔憂。   地中海航線的運價原計劃在本月中旬達到每大箱7400美元,但實際情況顯示,運價僅漲至7000美元左右。這一變化表明,儘管運價仍在上漲,但增速已有所放緩,可能預示著該航線運價已接近其頂點。與此同時,歐美航線的運價也在7月1日經過調整後,接近其預期的高點。  ...

嚴重擁堵!船公司大停航!上海港面臨三年來最大挑戰!

嚴重擁堵!船公司大停航!上海港面臨三年來最大挑戰!

隨著全球貿易活動的不斷繁榮和需求的激增,航運業正面臨前所未有的挑戰。近期,紅海危機的升級和全球運力緊張局勢的加劇,導致多航線運價大幅上漲,企業面臨嚴重的缺艙缺櫃壓力。特別值得注意的是,船舶和集裝箱供應的緊張狀況已經擴展至港口,對整個物流鏈條造成了巨大的壓力。  ...

Transatlantic Routes Experience Price Increase:

During the May Day holiday period, shipping companies implemented reduced sailings, significantly impacting market rates and leading to substantial price hikes. Recent reports indicate that transatlantic shipping rates will be uniformly increased by $1000 starting on...

歐美航線即日起再上漲!

在五一長假期間,船公司採取了減並班措施,這一舉措對市場運價產生了顯著影響,促使運價顯著上漲。近期消息顯示,歐美航線的運價將在15日統一上調1000美元。  不僅如此,一家大型船公司還通知歐洲航線將在本月22日至31日期間額外徵收600美元的旺季附加費。這一系列的調整無疑給航運業帶來了不小的波動。航運業界高層對此表示擔憂,認為運價上漲可能會進一步降低消費者的購買力,並可能引發一系列市場問題。 全球最大班輪公司地中海航運(MSC)也在上週五(10日)重新推出了鑽石級運價,他們還計畫在6月初和6月中進一步漲價。...

“DALI”號船東和船管必須對巴爾的摩大橋倒塌負責?

“DALI”號船東和船管必須對巴爾的摩大橋倒塌負責?

對於法蘭西斯·斯科特·基大橋倒塌事件,巴爾的摩市長和市議會律師的態度十分明確,他們堅稱船東Grace Ocean和船舶管理公司Synergy Group必須為此承擔全部責任。 據法庭檔顯示,“DALI”號輪船在事故發生時,以一種極其不負責任的方式運營,其行為堪稱故意、肆意和魯莽。對“DALI”號的指控包括但不限於船舶不適航、船員缺乏必要的培訓、未能遵守安全操作規程、船舶及其配件的維護不善、船員的不稱職以及設備管理不當等。這些指控,無疑是對這兩家公司的嚴重指責。...

紅海危機推高裝箱船交易價格及運費

紅海危機推高裝箱船交易價格及運費

自今年年初以來,幾乎所有細分船型和船齡的二手集裝箱船價格都大幅上漲。 二手箱船價格在2022年第一季度末達到創紀錄的峰值後穩步下跌。然而,自2024年1月以來,價格再次上升,老舊船的漲幅尤其顯著,一艘20年船齡的1750標準箱的靈便型集裝箱船價格自年初以來增長了43%,從699萬美元增至860萬美元。...

巴爾的摩港無限期關閉!船公司宣佈不可抗力!

巴爾的摩港無限期關閉!船公司宣佈不可抗力!

近日,美國巴爾的摩港的橋樑坍塌事故不僅給港口運營帶來了巨大的困擾,更讓多家知名航運公司陷入了前所未有的困境。達飛、長榮、MSC以及馬士基等航運巨頭紛紛發佈公告,宣佈不可抗力,暫停或調整在巴爾的摩港的服務。   據瞭解,美國巴爾的摩港的Francis Scott Key Bridge在近日發生了災難性的橋樑坍塌事故,導致船舶通行受阻,港口陷入癱瘓。這一突發事件對全球航運網路產生了深遠的影響,尤其是對依賴巴爾的摩港進行貨物進出口的企業來說,無疑是一次沉重的打擊。   達飛海運(CMA...

馬士基:明日起,此類貨物將被拒載

馬士基:明日起,此類貨物將被拒載

馬士基公司近日宣佈,將在英國實施一項全新的“無預先艙單-不裝載”政策,這一政策自2024年3月15日起正式生效。這項新政策是為了解決近期英國港口貨物裝運指示資訊不完整的問題,以符合英國海關的預先艙單規定。 根據新規定,馬士基公司需要在船隻抵達合規裝貨港前至少34小時收到完整的運輸指示。這意味著,如果客戶未能提前提交完整的艙單資訊,其訂艙請求將被拒絕裝載。此舉旨在確保馬士基有足夠的時間提前提交申報並獲得運輸參考編號(MRN),從而符合英國海關的監管要求。...